住港九新界會點使錢?退咗休住邊區啲錢襟使啲?

 

香港地少而人口稠密，目前人口已超過750萬，是一個充滿活力、並融合多元文化的城市。香港島、九龍及新界為主要香港人口聚居的區域，每一區有不同特色，能滿足不同人士的需要。究竟港島人、九龍人同新界人消費模式有咩唔同？哪一項開支花費最大？當您決定在哪一區租屋或置業前，我們建議您先了解各區特點，例如考慮該單位是否接近您工作的地點、區內設施和娛樂是否齊全及物價等問題，在搬家前作好心理準備。  

 

1.住屋開支

住屋開支佔了香港家庭開支的大部份。疫情因素亦無阻香港樓價繼續上升，據差餉物業估價署最新數據，今年5月份私人住宅售價指數報393.7點，按月升約0.64%，已連升5個月，今年首5個月樓價累計上升3.63%。

而按土地註冊處各區樓盤成交紀錄，港島區樓價較九龍區及新界高，港島區私人住宅過去六個月的平均成交呎價為HK$18,131；九龍區私人住宅平均成交呎價為HK$17,749；而新界區私人住宅平均成交呎價為HK$13,948。

2.購物花費

港島區交通生活購物需要一應俱全，但亦有人話雖然方便，但可能因為地租原因，物價一般較九龍和新界貴，為了慳錢，香港人習慣了「格價」才購物，例如港島人也會到馳名最多最便宜的「深水埗黃金」購買電子用品。

3.交通費

交通費視乎返工地點，港島區商業地段，就業機會多，港島人在港島區返工，交通費自然少，即使跨區到九龍區上班，搭港鐵用都會票約HK$385 一個月。新界辦公室少，大部分人都要跨區工作，尤其是住在大西北的人，如果在港島區返工，每程過海巴差不多每程都要HK$20，每日來回車費起碼 HK$40，若果不購買月票，就算星期六日唔去玩，五天工作每個月車費都要 HK$800！

比較咗咁耐住港島、九龍、新界的開支分別，究竟住邊度最好？可能工作時住港島區，慳交通費、慳時間，可以瞓多兩個鐘；而退休就住新界區，樓價平啲、物價又平啲，加上65歲就可以搭 HK$2 車周圍去，連交通費問題都不用考慮，啲錢又好似襟使少少！不過，其實住邊都好，唔係只睇開支同方唔方便嘅，仲要睇下有冇好鄰居，自己對個地方有冇感情。如果有得揀，你有會想住邊呢？

以上內容原文及意見由新傳媒提供，信安對文章內容不具編審責任。本資料只供一般參考及投資者教育用途。投資涉及風險，基金價值可升可跌。您不應單靠本資料作出投資決定。